Իսրայելի «Շին Բեթ» անվտանգության ծառայության ոստիկանությունը եւ գործակալները ձերբակալել են Բեն Գուրիոնի համալսարանի ուսանողի՝ իրանցի գործակալի հրամանով հասարակական գործչի վրա հարձակվելու փորձ կատարելու կասկածանքով, հաղորդել է Times of Israel-ը։

Գալիլեայի Դեյր էլ-Ասադ գյուղի 22-ամյա բնակիչ Բաշար Հասան Քասեմ Մուսան, որն ուսումնասիրում է տեղեկատվական համակարգերը, մեղադրվում է ձերբակալությունից մի քանի ամիս առաջ իրանական հետախուզության գործակալների հետ կապեր պահպանելու մեջ։ Նա, իբր, նրանց համար մի քանի առաջադրանքներ է կատարել, այդ թվում՝ անանուն հասարակական գործչի վրա հարձակվելու, Բեեր Շեւայի գլխավոր մայրուղում մեխեր նետելու եւ «բաժանարար տրամադրություններ խրախուսելու» փորձ։

Ոստիկանությունը հայտնել է, որ նա գործել է գաղափարախոսական հիմքերով, որոնք խթանվել են Իսրայելի կողմից Գազայում շարունակվող պատերազմով, եւ որ կասկածյալը ֆինանսական փոխհատուցում է ստացել իր կապավորից։

Սպասվում է, որ Հարավային օկրուգի դատախազները նրան մեղադրանք կներկայացնեն մոտ օրերս՝ բազմամսյա հետաքննության արդյունքներով, որն իրականացրել են «Շին Բեթը» եւ Հյուսիսային օկրուգի ոստիկանության քննիչները։