Որոշման նախագծով 2 մլրդ 124 մլն դրամով համաֆինանսավորվելու է համայնքների զարգացման սուբվենցիոն ծրագրերը։ Այս մասին այսօր՝ հունիսի 26–ին, կառավարության նիստում հայտարարեց ՏԿԵ նախարար Դավիթ Խուդաթյանը։

Նրա խոսքով՝ բյուջեից հատկացվող գումարներով համաֆինանսավորվում է 14 համայնքի 18 ծրագիր։

Խուդաթյանը նշեց, որ Արմավիրի և Գեղարքունիքի մարզերում 3-ական ծրագիր է ֆինանսավորվելու, լոռու մարևզում՝ 6 ծրագիր,մյուսներում՝ 1-ական։

Ներկայացված նախագծի հետ միասին 2025 թվականին արդեն պետական բյուջեից համայնքների սուբվենցիոն ծրագրերի համաֆինանսավորման համար գումարային հաշվով կկազմի 7.6 մլրդ դրամի համաֆինանսավորում։

Նիկոլ Փաշինյանն էլ ավանդույթի համաձայն թվարկեց բոլոր ծրագրերը՝ տեղանքներով և կատարված աշխատանքների ծավալներով։