«Կրթվելը նորաձև է» նախագծի ֆինանսավորման վերաբերյալ Նիկոլ Փաշինյանը մանիպուլյատիվ «բացատրություն» է տվել

Վարչապետ Փաշինյանն ընդգծել է, որ «Կրթվելը նորաձև է» շարժումը գոյություն է ունեցել իր ներգրավվածությունից առաջ և կշարունակի գոյություն ունենալ դրանից հետո։ «Այս ընթացքում բուն ծրագիրը բյուջեից չի ֆինանսավորվել։ Իսկ ինչ վերաբերում է նրան, թե ինչ է ֆինանսավորվել՝ ներողություն եմ խնդրում համեմատության համար, բայց եթե վարչապետի մամուլի ասուլիսի կազմակերպման համար կարելի է աթոռներ և խոսափողեր ձեռք բերել, ապա ինչո՞ւ համանման միջոցներ չեն կարող օգտագործվել Կառավարության ղեկավարի՝ քաղաքացիների հետ շփման համար», - հարցադրում է արել կառավարության ղեկավարը։

Նա պարզաբանել է, որ նման ծախսերը պատկանում են ներկայացուցչական ծախսերի կատեգորիային և օրենքի համաձայն՝ ենթակա չեն բացահայտման, քանի որ դրանք վերաբերում են ոչ միայն ներքին, այլև արտաքին ասպեկտներին, ներառյալ անվտանգության հարցերը։

«Պարզ ասած, ֆինանսավորվել է ոչ թե «Կրթվելը ներաձև է» նախագիծը, այլ վարչապետի գործունեությունը և քաղաքացիների հետ նրա հանդիպումները։ Այսօր դրանք անցկացվում են մեկ նախաձեռնության շրջանակում, վաղը՝ մամուլի ասուլիսի կամ արտագնա հանդիպման ձևաչափով։ Նույնիսկ եթե ես քաղաքացիների հետ զրուցում եմ հենց գյուղի մեջտեղում, դա նույնպես պաշտոնական գործունեության մի մաս է, որը ֆինանսավորվում է պետական բյուջեից», - հավելել է Փաշինյանը։