Ավելի քան 3 միլիոն ռումինացի քաղաքացիներ ապրում են ԵՄ այլ երկրներում, այս ցուցանիշով երկիրը առաջատարն է համայնքում: Այս մասին հայտնել է ռումինական profit.ro պորտալը:

Ըստ պորտալի հաշվարկների՝ ԵՄ երկրներում ներկայումս ապրում է մոտ 3.1 միլիոն Ռումինիայի քաղաքացի, որը կազմում է երկրի ընդհանուր բնակչության 16.28%-ը: Երկրորդ տեղում է Խորվաթիան՝ ավելի քան 570 հազար մարդով կամ համայնքի երկրներում ապրող քաղաքացիների ընդհանուր թվի 14.9%-ով: Բուլղարիան եզրափակում է առաջին եռյակը՝ 753 հազար մարդ (11.68%):

Պորտալը նշում է, որ Եվրամիության ներսում միգրանտների ամենափոքր թիվը գրանցվել է Մալթայից (0.92%), Ֆրանսիայից (0.91%) և Գերմանիայից (0.9%):

Սփյուռքը կազմում է Ռումինիայի բնակչության զգալի մասը և մեծ տնտեսական և քաղաքական ազդեցություն ունի երկրի վրա: 2025 թվականի փետրվարի դրությամբ երկրից դուրս ապրում էր մոտ 5.7 միլիոն ռումինացի, հիմնականում Իտալիայում (ավելի քան 1.1 միլիոն), Իսպանիայում (մոտ 1 միլիոն), Միացյալ Թագավորությունում (մի փոքր պակաս, քան 1 միլիոն), Գերմանիայում (մոտ 800 հազար) և Միացյալ Նահանգներում (մոտ 460 հազար):