Մենք ուշադիր հետևում ենք Սիրիայում տեղի ունեցող գործընթացներին։ Այս մասին ասված է Ադրբեջանի ԱԳՆ հայտարարության մեջ, որը մեկնաբանել է «սիրիական զինված ուժերի կողմից երկրի հարավային շրջանների նկատմամբ վերահսկողության վերականգնմանն իսրայելական բանակի միջամտությունը»։

«Մենք ևս մեկ անգամ մեր աջակցությունն ենք հայտնում Սիրիայի տարածքային ամբողջականությանն ու ինքնիշխանությանը, անբաժանելիությանն ու քաղաքական միասնությանը։ Սիրիայում խաղաղության, անվտանգության և կայունության հաստատումը բացարձակ անհրաժեշտություն է»,- նշել են Բաքվում։