AFP-ն հայտնում է, որ Սիրիայի Սուեյդա նահանգում առնվազն 718 մարդ է սպանվել։

Մեծ Բրիտանիայում գործող Սիրիայի մարդու իրավունքների դիտորդական կենտրոնի տվյալներով՝ կիրակի օրվանից զոհվել է 146 դրուզ մարտիկ և 245 քաղաքացիական անձ, որոնցից 165-ը «գնդակահարվել են Սիրիայի պաշտպանության և ներքին գործերի նախարարությունների աշխատակիցների կողմից»:

Հրատարակությունը հավելում է, որ բռնությունների հետևանքով զոհվել են նաև 287 կառավարական զորքերի զինծառայողներ և 18 բեդուին մարտիկներ, ինչպես նաև երեք բեդուին, «որոնք մահապատժի են ենթարկվել դրուզ զինվորների կողմից»։

Իսրայելական ավիահարվածների հետևանքով կառավարական բանակի ևս 15 զինվոր է սպանվել։