ՆախընտրելիՌուսաստանի հայերի միությունը կազակական ատամանի կուղարկի Ուրալ` կարգավորելու համար տեղի հայերի եւ կազակների միջեւ սրված հարաբերությունները:
Հիշեցնենք, որ խոսքը Եկատերինբուրգում, ավելի ճիշտ Արտյոմովկա քաղաքում ստեղծված իրավիճակի մասին է, որտեղ մեծաթիվ հայեր են ապրում: Versia.ru կայքի տվյալներով, հունվարի 31-ին կազակները «ցասման օր» են հայտարարել: Զանգվածային ակցիաներ են սպասվում, կազակները խոստացել են մեկընդմիշտ հայրենի հողը «մաքրել զավթիչներից», իսկ հայերը պատրաստվում են հայրենակիցների կանչել այլ շրջաններից:
Հայերի եւ կազակների հարաբերությունների սրման մեջ առանցքային դեր ունեն ադրբեջանցիները, որոնք ամեն կերպ բախումներ են սադրում:
Ինչպես NEWS.am-ին հայտնեց Ռուսաստանի հայերի միույթան փոխնախագահ Գերման Անանյանցը, այսօր հարցը քննարկվել է եւ որոշվել է Ուրալ ուղարկել կազակական ատաման Սերգեյ Մադաթովին` կազակաների հետ անմիջական բանակցություններ վարելու եւ իրավիճակը խաղաղ կերպով կարգավորելու համար:
Միաժամանակ նահանգապետին ՌՀՄ-ի եւ միության նախագահ Արա Աբրահամյանի անունից նամակ է ուղարկվել, որում կոչ է արվեում քայլեր ձեռնարկել հակամարտության կանխման եւ հայ համայնքին եւ կազակների միջեւ խաղաղության հաստատման համար:
