Հնդկաստանը և Չինաստանը սեպտեմբերին կարող են վերսկսել ուղիղ չվերթները․ Bloomberg

Հնդկաստանն ու Չինաստանը մտադիր են վերսկսել ուղիղ ավիահաղորդակցությունը արդեն հաջորդ ամիս։ Այս մասին հայտնում է Bloomberg գործակալությունը՝ հղում անելով իր աղբյուրներին։

Գործակալության տվյալներով՝ Հնդկաստանի կառավարությունը ավիաընկերություններին խնդրել է արագ կերպով չվերթներ կազմակերպել դեպի Չինաստան, իսկ պաշտոնական հայտարարությունը հնարավոր է, որ արվի արդեն օգոստոսի վերջին Չինաստանում կայանալիք Շանհայի համագործակցության կազմակերպության գագաթնաժողովի ժամանակ։

Չինաստանն ու Հնդկաստանը մտադիր են հաջորդ ամսվանից վերսկսել ուղիղ ավիահաղորդակցությունը։

Նախքան թռիչքների դադարեցումը հնդկական ավիաընկերությունները, այդ թվում՝ Air India-ն և IndiGo-ն, ինչպես նաև չինական ավիաընկերությունները, ինչպիսիք են Air China-ն, China Southern-ը և China Eastern-ը, թռիչքներ են իրականացրել երկու երկրների առանցքային քաղաքների միջև։ Աղբյուրների համաձայն՝ ներկայիս բանակցությունները կարող են կհանգեցնել նրան, որ Air India-ն և IndiGo-ն վերսկսեն դեպի Չինաստան իրենց չվերթները։