Բելգիան 965 միլիոն եվրո կհատկացնի ռազմական տվյալների կենտրոնների ստեղծմանը․ L'Echo

Փաստաթղթում նշվում է, որ այն օբյեկտները, որոնց շինարարությունը նախատեսվում է 2025-ից 2029 թվականների ընթացքում, «որոշիչ դեր» են խաղալու ռազմական գործողություններում՝ իրական ժամանակում մշակում կատարելով արբանյակներից, անօդաչուներից և մարտական ստորաբաժանումներից ստացվող տվյալների վրա։ Բացի այդ, թագավորության Պաշտպանության նախարարության աղբյուրի խոսքով, այդ կենտրոնները նաև կծառայեն պետական ծառայություններից ստացվող տեղեկատվության պահման և պաշտպանված մշակման նպատակով։

Կառավարության ծրագրերի համաձայն՝ տվյալների մշակման կենտրոնները կտեղակայվեն երկրի տարբեր հատվածներում գտնվող մի քանի պաշտպանված օբյեկտներում։ Դա նախատեսված է այն դեպքում, եթե կենտրոններից մեկը դուրս գա շարքից, այդ դեպքում մյուսը կարողանա ստանձնել նրա գործառույթները։ Լրացուցիչ միջոցներ կտրամադրվեն կենտրոնները կիբեռհարձակումներից պաշտպանելու համար։