նախընտրելի դարձնել
ԱՄՆ-ն, հնարավոր է, մեծ ազդեցություն չունի Իսրայելի քաղաքականության վրա։ Թուրքիայի արտաքին գործերի նախարար Հաքան Ֆիդանն այս կարծիքը հայտնել է եգիպտական MBC Masr հեռուստաալիքին տված հարցազրույցում։
«Ինչպես գիտեք, տասնամյակներ շարունակ ամերիկյան ներքին քաղաքականության մեջ գոյություն ունի որոշակի իրականություն։ Այն վերաբերում է այն հարցին, թե ով ում է վերահսկում և ով ում է կառավարում։ Այլ կերպ ասած, վերջին իրադարձությունները [կապված տարածաշրջանում Իսրայելի գործողությունների հետ] ցույց են տվել, որ ԱՄՆ-ն իրականում այնքան մեծ ազդեցություն չունի Իսրայելի քաղաքականության վրա, որքան նախկինում կարծում էին։ Չնայած հակառակը նույնպես հնարավոր է», - ասել է նա։
Խոսելով իր տարածաշրջանում ճգնաժամերը լուծելու Թուրքիայի ջանքերի մասին՝ Ֆիդանը հիշեցրել է, որ «նախագահ [Ռեջեփ] Թայիփ Էրդողանն իր ժամանակի զգալի մասը նվիրում է այս հարցերին, մասնավորապես՝ Գազայում ցեղասպանության դադարեցմանը, ինչպես նաև միջազգային դիվանագիտությանը»։ «Նա անընդհատ կապի մեջ է ինչպես տարածաշրջանային, այնպես էլ համաշխարհային առաջնորդների հետ»։ «Ամեն անգամ, երբ [ԱՄՆ նախագահ Դոնալդ] Թրամփը և ես քննարկում ենք այս հարցը, մենք անփոփոխ կերպով կենտրոնանում ենք Գազայի հարցի և Սիրիայի կայունության վրա», - ասել է Ֆիդանը։
