նախընտրելի դարձնելՀայաստանի Գիտությունների ազգային ակադեմիայի (ԳԱԱ) նախագահությունն, այսօր` հունվարի 25-ին, միաձայն վերընտրել է ԳԱԱ 3 ինստիտուտների տնօրենների:
ԳԱԱ տեղեկատվական-վերլուծական կենտրոնից NEWS.am-ին հայտնում են, որ Հայաստանի ԳԱԱ Մ. Քոթանյանի անվան տնտեսագիտության ինստիտուտի տնօրենի պաշտոնում վերընտրվել է ՀՀ ԳԱԱ թղթակից անդամ, տնտեսագիտական գիտությունների դոկտոր, պրոֆեսոր Վլադիմիր Հարությունյանը: Նա ինստիտուտի տնօրենի պաշտոնը զբաղեցնում է 2006թ-ից: Վլադիմիր Հարությունյանն ավելի քան 75 գիտական աշխատությունների հեղինակ է, այդ թվում` 7 գրքի համահեղինակ: Նրա հիմնական աշխատությունները նվիրված են հարկաբյուջետային եւ դրամավարկային քաղաքականության հիմնախնդիրներին:
ՀՀ ԳԱԱ հայոց ցեղասպանության թանգարան ինստիտուտի տնօրենի պաշտոնում վերընտրվել է պատմական գիտությունների թեկնածու Հայկ Դեմոյանը: Նա թանգարան ինստիտուտի տնօրենի պաշտոնը զբաղեցնում է 2006 թ-ից: Հայկ Դեմոյանը 40 աշխատությունների հեղինակ է որոնցից 8-ը մենագրություն են:
Հայկ Դեմոյանի հիմնական աշխատությունները նվիրված են Ղարաբաղյան հակամարտությանը, Թուրքիայի նորագույն պատմությանը, Ադրբեջանի նորագույն պատմությանը, ազգային ինքնությանը:
ՀՀ ԳԱԱ մեխանիկայի ինստիտուտի տնօրենի պաշտոնում վերընտրվել է ֆիզիկամաթեմատիկական գիտությունների դոկտոր Վահրամ Հակոբյանը: Նա ինստիտուտի տնօրենի պաշտոնում աշխատում է 2006թ-ից: 65 գիտական հոդվածի եւ 1 մենագրության հեղինակ է: Վահրամ Հակոբյանը զբաղվում է առաձգականության եւ առաձգամածուցիկության մաթեմատիկական տեսութամբ, կոնտակտային եւ խառը եզրային խնդիրներով, հոծ մարմիններին բարակապատ տարրերից ուժի փոխանցման հարցերով, քայքայման մեխանիկայով, սինգուլյար ինտեգրալ հավասարումների կիրառություններով, մաթեմատիկական ֆիզիկայի հատուկ ֆունկցիաներով:
