Նախընտրելի
Կարող եմ վստահեցնել, որ Հայաստանի երրորդ նախագահ Սերժ Սարգսյանն իր ողջ կյանքի ընթացքում չի ստորագրել որեւէ նամակ կամ փաստաթուղթ, որը կամաչեցներ ՀՀ որեւէ քաղաքացու կամ նրա որեւէ համախոհի։ Այս մասին նոյեմբերի 14-ին Ազգային ժողովում ավանդական ճեպազրույցների ժամանակ հայտնել է ընդդիմադիր պատգամավոր, Հայաստանի Հանրապետական կուսակցության անդամ Հայկ Մամիջանյանը։
«Երբ նամակը հրապարակվի, դուք ինքներդ ամեն ինչ կտեսնեք»,- ասել է պատգամավորը։
Նախկինում ՀՀ վարչապետ Նիկոլ Փաշինյանը խոստացել էր հրապարակել Լեռնային Ղարաբաղի բանակցային գործընթացին վերաբերող հիմնական փաստաթղթերը։ Կառավարության ղեկավարը խոստացել էր փաստաթղթերը հրապարակել մինչեւ այս տարվա վերջ։
Փաշինյանը նշել է, որ հրապարակված փաթեթում կներառվի նաեւ Սերժ Սարգսյանի անձամբ գրած նամակը։
