նախընտրելի դարձնել
«Հայաքվեն» Վաղարշապատում կայանալիք ՏԻՄ ընտրություններում որեւէ քաղաքական կուսակցության կամ թեկնածուի հետ կապ չունի։ Այս մասին նոյեմբերի 14-ին մամուլի ասուլիսում հայտնել է «Հայաքվե» նախաձեռնության համահիմնադիր Ավետիք Չալաբյանը՝ պատասխանելով հնարավոր կողմնակալության մասին մեղադրանքներին։
«Մեր նպատակն է ամրապնդել ժողովրդավարությունը Հայաստանի Հանրապետությունում օբյեկտիվ մոնիթորինգի միջոցով, որպեսզի մեր քաղաքացիները վստահ լինեն, որ կարող են ժողովրդավարական ճանապարհով ձեւավորել կառավարություն»,- նշել է Չալաբյանը։
Նա ավելացրել է, որ եթե այդպես չլիներ, նրանք կարող էին մասնակցել ընտրություններին որպես կուսակցություն։ «Բայց մենք գործում ենք որպես չեզոք եւ օբյեկտիվ դիտորդներ։ Մենք որեւէ կապ չունենք որեւէ կուսակցության կամ թեկնածուի հետ»,- կրկնել է Չալաբյանը։
