Ոստիկանության Մասիսի բաժնի ծառայողներն, այսօր` փետրվարի 7-ի կեսգիշերին, թմրամիջոց պահելու կասկածանքով, Նոր Խարբերդ գյուղից բերման են ենթարկել 33-ամյա մի տղամարդու:

Ոստիկանության մամուլի ծառայությունից  NEWS.am-ին հայտնում են, որ խուզարկությամբ նրա մոտ հայտնաբերվել է երկու ներարկիչ, մեկի մեջ՝ 4 մլ, մյուսում՝ 1,5 մլ լուծույթներով:

Բերման ենթարկվածը հայտարարել է, որ հայտնաբերված թմրամիջոցը պատրաստել է իր օգտագործման համար:

Հայտնաբերվածն ուղարկվել է փորձաքննության:

Կատարվում է հետաքննություն: