Թուրքիայի Էսքիշեհիր քաղաքի շենքերից մեկի 5-րդ հարկից վայր է ընկել 4-ամյա մի երեխա, ով ընդամենը թեթեւ վնասվածքներ է ստացել։

Թուրքական Posta-ի փոխանցմամբ՝  4-ամյա երեխան բացել է պատուհանը եւ դուրս նայել, սակայն կորցնելով հավասարակշռությունը՝ ընկել ներքեւ՝ բախվելով ծառերին եւ վայրէջք կատարել ձյան հաստ շերտին։ Այնուհետ երեխան ոտքի է կանգնել եւ քայլել։ Իրադարձության ականատեսները անմիջապես շտապ օգնություն են կանչել եւ երեխային տեղափոխել  հիվանդանոց։

Բժիշկները նշել են, որ երեխայի առողջական վիճակը լավ է։