Անցած գիշերը Մոսկվայում դարձել է ամենացուրտը ընթացիկ ձմռան սկզբից ի վեր, Telegram-ի իր ալիքում հայտնել է «Ֆոբոս» եղանակային կենտրոնի առաջատար մասնագետ Միխայիլ Լեուսը:

Ըստ Լեուսի, մայրաքաղաքի հիմնական օդերևութաբանական կայանի՝ ՎԴՆԽ-ի տվյալներով, օդի նվազագույն ջերմաստիճանն իջել է մինչև -17,3 աստիճան։

Մինչև այս ամենացուրտը 2025 թվականի դեկտեմբերի 24-ն էր, երբ նվազագույն ցուցանիշը կազմում էր -16,4 աստիճան: Մեգապոլիսի մյուս օդերևութաբանական կայաններում ջերմաչափերը ցույց են տվել Բալչուգում՝ -14,5-ից մինչև Բուտովոյում՝ -20,8 աստիճան։ Նոր Մոսկվայում՝ Միխայլովսկոյեում, սառնամանիքն ուժգնացել է մինչև -26,4 աստիճան։

Ըստ փորձագետի, Մոսկվայի մարզում ջերմաչափի ցուցմունքները տատանվել են Սոլնեչնոգորսկում՝ -14,2-ից մինչև Չերուստիում՝ -28,2 աստիճան. սա նույնպես Մերձմոսկովյան տարածաշրջանում ձմռան սկզբից գրանցված ամենացածր ջերմաստիճանն է:

Կենտրոնական դաշնային տարածաշրջանում սառնամանիքները մոտեցել են 30 աստիճանի սահմանագծին. Վլադիմիրի մարզի Վյազնիկի քաղաքում ջերմաչափի սյունն իջել է մինչև -29,8 աստիճան:

«Իսկ Ռուսաստանի եվրոպական տարածքում ամենացուրտ վայրը դարձել է Պերմի երկրամասի Կրասնովիշերսկի շրջանի Վայա ավանը, որտեղ գիշերային նվազագույն ջերմաստիճանը կազմել է -38,2 աստիճան»,- պատմել է Լեուսը: