նախընտրելի դարձնելՓետրվարի 10-ին, ժամը 20.30-ին, ոստիկանության Մարաշի բաժանմունքի ծառայողները Երեւանի Մաշտոցի պողոտայի թիվ 38 շենքի մոտից բերման են ենթարկել 31-ամյա Մամիկոն Խաչատրյանին, ով 2011 թ. դեկտեմբերի 28-ից հետախուզվում էր գողության մեղադրանքով:
Կատարվում է քննություն:
Փետրվարի 11-ի գիշերը ոստիկանության ծառայողները «Զվարթնոց» օդանավակայանում հայտնաբերել եւ բերման են ենթարկել 22-ամյա Էդգար Պապոյանին, ով 2011 թ. դեկտեմբերի 30-ից ՌԴ Մոսկվայի մարզի իրավապահների կողմից հետախուզվում էր դիտավորությամբ առողջությանը ծանր վնաս պատճառելու մեղադրանքով:
Պապոյանի հայտնաբերման մասին հայտնվել է հետախուզումը նախաձեռնողին:
Փետրվարի 10-ին, ժամը 19.00-ին, ոստիկանության քրեական հետախուզության գլխավոր վարչության ծառայողները Երեւանի Նալբանդյան-Կորյուն փողոցների խաչմերուկից բերման են ենթարկել 34-ամյա Ռոմանոս Աղաջանյանին, ով հունվարի 19-ից ՌԴ Մոսկվա քաղաքի Հյուսիս-արեւմտյան վարչական տարածքի իրավապահների կողմից հետախուզվում է անձի առեւանգման մեղադրանքով:
Աղաջանյանի հայտնաբերման մասին հայտնվել է հետախուզումը նախաձեռնողին:
