Նախընտրելի
Ես գիտեմ, որ այնտեղ կլինեմ. այսինքն՝ գրաֆիկը միշտ մի փոքր խենթ է, այնպես որ չգիտեմ, թե վաղը չէ մյուս օրը ինչ եմ անելու, բայց վստահ եմ, որ մենք այնտեղ կլինենք: Այս մասին, այսօր՝ փետրվարի 10–ին, «Զվարթնոց» օդանավակայանում լրագրողների հետ զրույցում նշեց ԱՄՆ փոխնախագահ Ջեյ Դի Վենսը՝ անդրադառնալով հարցին, թե արդյոք մասնակցելու է Խաղաղության խորհրդի նիստին հաջորդ շաբաթ։
«Ակնհայտ է, որ ԱՄՆ նախագահը շատ ոգևորված է աշխարհի տարբեր ծայրերից մի ամբողջ խումբ առաջնորդներ ընդունելու համար: Եվ ես կարծում եմ, որ այս Խաղաղության խորհուրդը իսկապես նոր նախատիպ է լինելու 21–րդ դարում խաղաղություն ստեղծելու և պահպանելու համար: Անկախ նրանից, թե որքան կարևոր է Միավորված Ազգերի Կազմակերպությունը, ինչպես ասել է Միացյալ Նահանգների նախագահը, ՄԱԿ–ը շատ հաճախ, կարծում եմ, չի իրացրել իր ողջ ներուժը։ Կարծում եմ, որ այս խաղաղության խորհրդի միջոցով ԱՄՆ նախագահը փորձում է կայուն խաղաղություն հաստատել Մերձավոր Արևելքում, Գազայում։
Բայց ես կարծում եմ, որ այն կարող է ստեղծել այնպիսի ենթակառուցվածքներ, որոնք կարող են հանգեցնել բազմաթիվ կայուն խաղաղության համաձայնագրերի առաջիկա տարիների ընթացքում»։
