Նախընտրելի
Աֆղանստանի իշխանությունները ուրբաթ օրը հայտարարել են, որ պատրաստ են բանակցությունների։ Հայտարարությունը եղել է այն բանից հետո, երբ Պակիստանը խոշոր քաղաքներում ռմբակոծել է իրենց զորքերը՝ ընդգծելով, որ «թշնամի դարձած դաշնակիցները բաց պատերազմ են մղում», հաղորդում է Reuters-ը։
Պակիստանը հարվածներ է հասցրել Աֆղանստանի մայրաքաղաք Քաբուլին, Ղանդահար քաղաքին, որտեղ գտնվում են «Թալիբան» շարժման առաջնորդները, ինչպես նաև այլ քաղաքների, հայտնել է «Թալիբան» շարժման խոսնակը։
Այս հարվածները Աֆղանստանի կառավարության վրա առաջին ուղղակի հարձակումներն են եղել այն բանից հետո, երբ այն մեղադրվել է Իսլամաբադի կառավարությունը տապալել ձգտող զինյալներին ապաստան տալու մեջ։
Թալիբների խոսնակ Զաբիհուլլահ Մուջահիդը հայտնել է, որ ուրբաթ օրը քաղաքացիական անձանց շրջանում զոհերի թիվը հասել է 100-ի, սակայն մանրամասներ չի հայտնել։
Պակիստանի անվտանգության աղբյուրները հայտնել են, որ հարվածները հասցվել են «օդ-երկիր» դասի հրթիռներով՝ ռազմական օբյեկտների և «Թալիբան» շարժման դիրքերի վրա՝ ի պատասխան հինգշաբթի օրը Աֆղանստանի կողմից իրականացված հարձակումների։
Բախումները տեղի են ունեցել այն բանից հետո, երբ շաբաթավերջին Աֆղանստանի տարածքում Պակիստանի կողմից իրականացված օդային հարվածները հինգշաբթի օրը հանգեցրել են սահմանի երկայնքով աֆղանցիների կողմից պատասխան հարձակումներին, ինչը սրել է երկարատև լարվածությունը՝ Պակիստանի այն պնդումների պատճառով, որ Աֆղանստանը ապաստան է տալիս Պակիստանի թալիբների զինյալներին: Աֆղանստանը հերքում է դա:
