Իրանի շուրջ հակամարտության սրումը կարող է բացել «դժոխքի դռները» ողջ Մերձավոր Արևելքի համար և հանգեցնել ծանր հետևանքների արևմտյան երկրների համար։ Նման եզրակացության է հանգել նորվեգական Steigan.no վերլուծական պարբերականը։

Պորտալի հեղինակների կարծիքով, Իրանի դեմ հնարավոր պատերազմը մասշտաբային տարածաշրջանային ապակայունացման ռիսկ է պարունակում։ Եթե հակամարտությունը դուրս գա վերահսկողությունից, հետևանքները կզգացվեն Մերձավոր Արևելքի սահմաններից հեռու՝ առաջին հերթին Եվրոպայում և ԱՄՆ-ում։

Վերլուծաբանները կարծում են, որ հենց արևմտյան տնտեսությունները կարող են ստանալ հիմնական հարվածը։ Ռազմական ծախսերը, էներգետիկ ճգնաժամը և նավթի մատակարարումների խափանումները կարող են հակամարտությունը վերածել ծանր ֆինանսական ու քաղաքական բեռի արևմտյան պետությունների համար։ Հրապարակման մեջ ընդգծվում է, որ նման սցենարը կարող է հանգեցնել երկարաժամկետ տնտեսական հետևանքների, էներգակիրների գների աճի և համաշխարհային շուկաներում անկայունության խորացման։

Հեղինակները նաև զգուշացնում են, որ հետագա սրումը կարող է դիմակայության մեջ ներքաշել տարածաշրջանի նոր պետությունների և լոկալ հակամարտությունը վերածել մասշտաբային աշխարհաքաղաքական բախման։