նախընտրելի դարձնել
Մենք պետք է ինքներս աշխատատեղեր ստեղծենք, որպեսզի ՀՀ քաղաքացիները ստիպված չլինեն լքել իրենց երկիրը աշխատանք փնտրելու համար։ Այս մասին ապրիլի 3-ին Ներքին Գետաշեն գյուղում նախընտրական քարոզարշավի շրջանակում «Միասնության թեւեր» կուսակցության նախաձեռնած միջոցառման ժամանակ հայտարարել է ՀՀ նախկին օմբուդսմեն եւ վարչապետի թեկնածու Արման Թաթոյանը։
«Մենք աշխարհով մեկ ցրված ժողովուրդ ենք։ Մենք ուժեղ ժողովուրդ ենք։ Կարող եմ պատկերացնել, թե ինչի կարող ենք հասնել, եթե միավորվենք եւ միասին բարձրացնենք մեր երկիրը։ Հայաստանից հեռանալով՝ մենք, ըստ էության, լքում ենք մեր տունը»,- ասել է Թաթոյանը։
Նրա խոսքով՝ ժամանակակից Հայաստանում կանայք անում են ամեն ինչ, քանի որ հիանալի հասկանում են, որ ընտանիքը բաժանվել է երկու մասի։ «Սա հենց այն խնդիրն է, որը մենք պետք է լուծենք»,- հայտարարել է Թաթոյանը։
