նախընտրելի դարձնելԱզգային ժողովում, այսօր` փետրվարի 24-ին, տեղի է ունեցել ԱԺ աշխատանքային խորհրդակցությունը, որտեղ քննարկվել են ԱԺ 4-րդ գումարման 11-րդ նստաշրջանի օրակարգում լրացումներ կատարելու մասին եւ փետրվարի 27-ից մարտի 1-ը ԱԺ չորսօրյա նիստերի օրակարգի մասին որոշումների նախագծերը: Նիստը վարել է Ազգային ժողովի նախագահ Սամվել Նիկոյանը:
ԱԺ մամուլի ծառայությունից NEWS.am-ին հայտնում են, որ ԱԺ 11-րդ նստաշրջանի օրակարգում լրացումներ կատարելու մասին որոշման նախագծում ընդգրկվել են 13 հարց եւ 2 միջազգային պայմանագիր: ԱԺ առաջիկա չորսօրյա նիստերի օրակարգի որոշման նախագծում ընդգրկվել է 119 հարց, այդ թվում` 17 միջազգային պայմանագիր:
ԱԺ չորրորդ գումարման տասնմեկերորդ նստաշրջանի օրակարգում լրացումներ կատարելու մասին եւ փետրվարի 27-ից մարտի 1-ը ԱԺ նիստերի օրակարգի մասին որոշումների նախագծերը կհաստատվեն ԱԺ փետրվարի 27-ի նիստում:
