Ստամբուլի Մխիթարյան վարժարանի եւ եկեղեցու հիմնադրամին պատկանող 15 հազար քմ տարածքում հյուրանոց եւ առեւտրի կենտրոն կառուցելու նախագծի փոփոխությունն ընդունվել է։

Ինչպես տեղեկացնում է թուրքական Sabah-ը, կատարված փոփոխության արդյունքում Ստամբուլի հայկական Մխիթարյան հիմնադրամին պատկանող տարածքում, որը մինչ այս հայտնի է Inci Sinemasi անունով, պահպանվելու է վարժարանն ու եկեղեցին։ Դրանց կից տարածքում կառուցվելու է հյուրանոց եւ բնակելի շենք։

Նախորդ տարի սեպտեմբերին Ստամբուլի քաղաքապետարանը թույլատրել էր Մխիթարյան հիմնադրամին իրեն պատկանող 15 հազար քմ տարածքում կառուցել հյուրանոց, առեւտրի կենտրոն եւ բնակելի շենք, սակայն հիշյալ նախագիծը որոշակի բողոք էր առաջացրել եւ վերջնական արդյունքում որոշվել է առեւտրի կենտրոն չկառուցել։