Լեռնային Ղարաբաղի Հանրապետության պաշտպանության բանակի մամուլի խոսնակ Սենոր Հասրաթյանը մեկնաբանել է ադրբեջանական կողմի տարած տեղեկությունները՝ կապված պաշտպանության բանակում տիրող իրավիճակի մասին:
«Ի տարբերություն Ադրբեջանի՝ Արցախում բանակի հետ կապված բոլոր տեղեկությունները հրապարակային են, եւ ամեն ինչ հասարակությանը տեղեկացվում է ժամանակին: Ադրբեջանական լրատվամիջոցները լավ կլինի, որ զբաղվեն իրենց բանակում տիրող իրավիճակով»,- NEWS.am-ին ասաց Սենոր Հասրաթյանը:
Նշենք, որ ադրբեջանական կողմը, կատարելով իր նախագահի հանձնարարականը, ամեն կերպ թաքցնում է զոհերի թիվը եւ բացը լրացնելու համար տարածում տեղեկություններ հայկական կողմի զոհերի եւ վիրավորների մասին: