2015 թվականին շնաձկների հարձակումից ավելի քիչ մարդ է տուժել, քան ինքնատիպ սելֆի անելու փորձից:
Mashable պարբերականը վերլուծել է շնաձկների հարձակման եւ էքստրեմալ սելֆի անելու փորձերի արդյունքում մահացության մասին տվյալները: Պարզվել է, որ այս տարվա ընթացքում 12 սելֆիի սիրահար է զոհվել, մինչդեռ շնաձկան հարձակումից՝ ընդամենը 8 մարդ:
Նշվում է, որ սելֆիից մահացության դեպքերի մեծ մասի պատճառ են դարձել վտանգավոր տեղանքը, անկումը, վտանգավոր առարկաներն ու գնացքները: Բացի այդ, ավելի ու ավելի շատ զբոսաշրջիկներ են վտանգի ենթարկում իրենց կյանքը՝ ձգտելով սելֆի անել վայրի կենդանիների հետ՝ անտեսելով անվտանգության կանոնները:
