«Իսլամական պետության» եգիպտական ստորաբաժանումն իր վրա է վերցրել Սինայի թերակղզում ռուսական օդանավի աղետի պատասխանատվությունը, հաղորդում է AFP-ն:

BBC News-ը հստակեցրել է, որ խմբավորման այդ հայտարարությունը հայտնվել է Telegram-ի մեսենջերում: Բրիտանացի լրագրողները հիշեցնում են, որ A321 օդանավը աղետի է ենթարկվել Սինայի թերակղզում, որտեղ Եգիպտոսի կառավարությունը պայքարում է ԻՊ-ի եգիպտական թեւի հետ առնչություն ունեցող գրոհայինների դեմ: Սակայն Եգիպտոսի անվտանգության ծառայությունների աղբյուրները ավելի վաղ հայտարարել են, որ ոչ մի նշան չկա, որ օդանավը կարող է խոցված լինել:

Ավելի վաղ RBK-ն հայտնել էր, որ Եգիպտոսի իշխանությունների փոխանցմամբ, օդանավի բեկորների ուսումնասիրությունը ցույց է տվել, որ օդանավի աղետի (որում եղել է 224 ուղեւոր) պատճառը տեխնիկական անսարքությունն է եղել: