Հակառակորդի դիպուկահարի կողմից արձակված կրակոցից դեկտեմբերի 11-ին երեկոյան զոհված ժամկետային զինծառայող Կարեն Գրիգորյանն Արարատի մարզի Մասիս քաղաքից էր:
NEWS.am-ի տեղեկություններով՝ Կարենը հունվարին պետք է զորացրվեր:
Ավելի վաղ ԼՂՀ ՊԲ-ն հայտնել էր, որ իրադրությունն առաջնագծում մնում է լարված: Հակառակորդը շարունակում է զենիթային կայանքներից եւ ականանետերից արկակոծման ենթարկել ՊԲ մարտական դիրքերը:
Հակառակորդի կողմից դիպուկահար հրացանից արձակված կրակոցից դեկտեմբերի 11-ին՝ ժամը 20:40-ի սահմաններում, ՊԲ արեւելյան ուղղությամբ տեղակայված զորամասերից մեկի մարտական հենակետում մահացու հրազենային վիրավորում է ստացել ՊԲ զինծառայող, 20-ամյա Կարեն Արմենի Գրիգորյանը:
ԼՂՀ պաշտպանության նախարարությունը հայտարարում է, որ հակառակորդի սադրիչ գործողությունները անպատիժ չեն մնալու: Ստեղծված իրադրության ողջ պատասխանատվությունն ընկնում է Ադրբեջանի ռազմաքաղաքական ղեկավարության վրա:
