Պակիստանի Բելուջիստան նահանգի վարչական կենտրոն Քվետտա քաղաքում, փետրվարի 6-ին տեղի ունեցած ահաբեկչության զոհերի թիվը հասել է 11-ի։ Զոհերի թվում է մեկ 13-ամյա աղջիկ եւ 4 սահմանապահ, եւս 35 մարդ վիրավորվել է։
Տեղի ոստիկանության տվյալներով, ահաբեկիչը, ենթադրաբար «Թեհրիք ի Թալիբան Պակիստան» խմբավորումից, պայթեցրել է իրեն շաբաթ երեկոյան քաղաքի բազմամարդ շրջանում, որտեղ գտնվում է շուկա, դատարանի շենքը եւ իշխանության այն մարմիններ։ Հարձակման թիրախը եղել է այդ պահին շուկայի հրապարակով անցնող սահմանապահ զորքերի ավտոշարասյունը։
Պայթյունին հարակից տարածքներում արդեն ոչնչացվել է երկու գրոհային, եւս 35 կասկածյալներ ձերբակալվել են եւ հարցաքննվում են, հաղորդում է ՏԱՍՍ-ը։