Ազատագրված Քարվաճառի շրջանում հուլիսի 10-ից անհետ կորած 17-ամյա Սմբատ Ցականյանի մահվան դեպքով հարուցվել է քրեական գործ:
Ինչպես NEWS.am-ին հայտնեցին Լեռնային Ղարաբաղի Հանրապետության ոստիկանության լրատվական ծառայությունից, գործ է հարուցվել Քրեական օրենսգրքի 103-րդ հոդվածի 1-ին մասով, այն է՝ սպանությունը, ապօրինաբար մեկ ուրիշին կյանքից զրկելը: Հարցին՝ արդյոք մեղադրյալներ կան արդեն՝ ոստիկանության լրատվականից հրաժարվեցին պատասխանել՝ նշելով միայն, որ նախաքննություն է ընթանում եւ հենց դրանից ելնելով էլ չի հրապարակվում այլ մանրամասներ: Թե ինչ է տեղի ունեցել եւ ինչպես են սպանել 17-ամյա քարվաճառցուն, ոստիկանությունից նույնպես որեւէ տեղեկություն չհաղորդեցին:
Նշենք, որ Նշենք, որ Սմբատ Ցականյանին հուղարկավորել են հուլիսի 16-ին փակ դագաղով, հարազատներին թույլ չեն տվել նույնիսկ դիակը տեսնել:
Հիշեցնենք, որ հուլիսի 10-ին լուրեր էին տարածվել, որ ադրբեջանցի դիվերսանտները Քարվաճառի 17-ամյա մի բնակչի են գերեվարել, որին մի քանի օր շարունակ հարազատները գտնել չէին կարողանում:
