Հայաստանի ԱԱԾ-ն ստացել է Ադրբեջանում գերության մեջ մահացած Կարեն Պետրոսյանի դիակի դատաբժշկական փորձաքննության եզրակացությունը:
ԱԱԾ մամուլի ծառայությունից NEWS.am-ին հայտնում են, որ փորձաքննության արդյունքները չեն կարող հրապարակվել, քանի դեռ նախաքննություն է ընթանում:
Նշենք, որ Կարեն Պետրոսյանի մահվան առթիվ հարուցվել է նաեւ քրեական գործ: Հայաստանի Տավուշի մարզի Չինարի գյուղի բնակիչ Կարեն Պետրոսյանը գերեվարվել էր օգոստոսի 7-ին: Հաջորդ օրն արդեն՝ օգոստոսին 8-ին, ադրբեջանական կողմը տեղեկություն տարածեց իբր «սրտի անբավարարության հետեւանքով» գերու մահվան մասին: Հոկտեմբերի 10-ին Ադրբեջանի իշխանությունները Կարեն Պետրոսյանի դին հանձնեցին Հայաստանին:
