Արցախում այսօր՝ հոկտեմբերի 11-ին զոհված պայմանագրային զինծառայող, 27-ամյա Սանասար Գրիգորյանը ամուսնացած էր, 8 ամսական դուստր ունի: Այս մասին NEWS.am-ին ասաց նրա հայրենի՝ Հերհեր գյուղի համայնքապետ Արման Ալեքսանյանը:
Սանասարը եղբայր եւ 3 քույր ունի: Նա հինգ տարի է՝ ծառայում էր բանակում, մասնակցել է Քառօրյա պատերազմին:
Ավելի վաղ NEWS.am-ը հայտնել էր, որ ժամը 12:10-ի սահմանում, ՊԲ արեւելյան ուղղությամբ տեղակայված զորամասերից մեկի պահպանության տեղամասում հակառակորդի արձակած կրակոցից մահացու հրազենային վիրավորում է ստացել պայմանագրային զինծառայող, 1989 թվականին ծնված Սանասար Մավրիկի Գրիգորյանը: Դեպքի առնչությամբ հարուցվել է քրեական գործ: Սանասարը ԼՂՀ Մարտունու շրջանի Հերհեր գյուղից էր: