Facebook սոցցանցի մասնագետները հաղորդել են, որ առաջիկայում սկսելու են փորձարկել GIF ֆորմատով անիմացիոն նկարները օգտագործման հնարավորությունը: Այս մասին գրում է ixbt.com-ը:
Օգտատերերը կկարողանան նկարներն ավելացնել մեկնաբանություններին՝ ավելի արտահայտիչ ներկայացնելու իրենց էմոցիաները:
«Բոլորն էլ սիրում են լավ անիմացիոն նկարները: Մենք գիտենք, որ Facebook-ի օգտատերերն ուզում են դրանք մեկնաբանություններում օգտագործելու հնարավորություն ունենալ: Այդ պատճառով մենք պատրաստվում ենք փորձարկել նման հնարավորությունը»,- ասել է ընկերության մամուլի քարտուղարը:
