Մայիսի 12-ին զանգվածային կիբերհարձակման զոհն են դարձել 200 000 մարդ աշխարհի 150 երկրներում։ Այս մասին հայտնել է Եվրոպոլի տնօրեն Ռոբ Ուայնվրայթը, նշելով, որ չի բացառում, որ այդ թիվը կաճի, երբ երկուշաբթի շատերը աշխատանքի գան ու միացնեն համակարգիչները, փոխանցում է Reuters-ը ։
«Գլոբալ մասշտաբը աննախադեպ է։ Վերջին հաշվարկներով տուժել է ավելի քան 200 000 մարդ՝ առնվազն 150 երկրներում։ Զոհերից շատերը ձեռներեցներ են, այդ թվում խոշոր կորպորացիաներից»,- ասել է նա։ «Այս պահին մենք աճող սպառնալիքի ենք բախվել։ Ես մտավախություններ ունեմ, որ զոհերի թիվը կաճի, երբ շատերը երկուշաբթի գան աշխատանքի ու միացնեն համակարգիչները»,- նշել է նա։
