Եվրոպոլը հայտարարել է, որ Եվրոպայում զանգվածային ցանցահենային հարձակման զոհերի թիվը չի աճում։ Համապատասխան հայտարարությամբ երկուշաբթի օրը, մայիսի 15-ին, Հաագայում հանդես է եկել Եվրոպոլի ներկայացուցիչը, հաղորդում է DW-ն։
«Ակնհայտ է, որ տուժածների թիվը չի աճում։ Ինչպես երեւում է, Եվրոպայում իրադրությունը կայունացել է։ Դա հաջողություն է», - նշել է նա։
Ըստ նրա՝ պատճառն այն է, որ համակարգիչների սեփականատերերն ու համակարգային ադմինիստրատորները, ըստ երեւույթին, վերջապես ներբեռնել են ծրագրային թարմացումները, որոնք թույլ են տալիս պաշտպանվել վնասակար WannaCry ծրագրից։
ԵՄ ոստիկանության ծառայությունում դեռ վաղ են համարում պնդելը, թե ով է կանգնած այդ հարձակման հետեւում։
