Թուրքիայի քաղաքացի Իբրահամ Քարադաշիի կողմից ապօրինի ՀՀ պետական սահմանը հատելու գործով նախաքննության ավարտ է հայտարարվել:
Ըստ Դատական տեղեկատվական համակարգում հրապարակված մեղադրական եզրակացության՝ Քարադաշին ՀՀ պետական սահմանը հատել է այս տարվա փետրվարին: Նա դեռեւս չպարզված հանգամանքներում Վրաստանի տարածքով ապօրինի մուտք է գործել Հայաստանի Հանրապետություն: Ազգային անվտանգության ծառայության աշխատակիցները Թուրքիայի քաղաքացուն հայտնաբերել են միայն ապրիլի 19-ին մայրաքաղաքի Չարենցի փողոցում:
Իբրահամ Քարադաշիին մեղադրանք է առաջադրվել Քրեական օրենսգրքի 329-րդ հոդվածի 1-ին մասով: Նա կալանավորված է:
