Ապահարզանը կարող է ոչ միայն սրտեր կոտրել, այլեւ ամուսինների նյութական արժեքները։ Այսպես է տեղի ունեցել Ճապոնիայում, որտեղ ապահարզանի հետեւանքով 54 ջութակ է տուժել։
Ճապոնական ոստիկանությունը կալանավորել է մի կնոջ, ում կասկածում են նախկին ամուսնուն պատկանող ջութակների հավաքածուի ոչնչացման մեջ։ Հավաքածուի ընդհանուր արժեքը հասնում էր 105․9 մլն իեն։
Ոստիկանությունը հայտնե լ է, որ 34-ամյա կասկածյալը ներխուժել է նախկին ամուսնու բնակարան ու կոտրել է գործիքները։ Նրա ամուսինը այդ ժամանակ գործուղման մեջ էր։
Դա տեղի է ունեցել 2014-ին, բայց կնոջը միայն հիմա են կալանավորել։
Նա չի հերքում, որ մտել է նախկին ամուսնու տուն, սակայն ասում է, որ գործիքներին ձեռք չի տվել, հայտնում է BBC-ն։
Նրա 62-ամյա նախկին ամուսինը զբաղվում էր ջութակների արտադրությամբ ու վաճառքով։
Հավաքածուի ամենաարժեքավոր գործիքը իտալական ջութակն էր՝ 50 մլն իեն արժեքով։
Ճապոնական լրատվամիջոցների հաղորդագրություններով, կինը չինուհի է, նրան կալանավորել են , երբ նա Չինաստանից Տոկիո էր վերադառնում։