Երեւանում տղամարդը հայտնվել է դատարանում «Շտապօգնության» աշխատակիցների հասցեին սեռական բնույթի հայհոյանքներ հնչեցնելու մեղադրանքով:
Ըստ մեղադրական եզրակացության՝ Մհերն այս տարվա հունվարի 5-ին բուժօգնություն ցուցաբերելու չնչին հարցի շուրջ վիճաբանել է իր կանչով բնակարան ժամանած «Շտապբուժօգնություն» ՓԲԸ-ի բուժաշխատողների հետ՝ նրանց հասցեին հնչեցնելով սեռական բնույթի հայհոյանքներ:
Մհերին մեղադրանք է առաջադրվել Քրեական օրենսգրքի 258-րդ հոդվածի 1-ին մասով: Նա ստորագրությամբ ազատ է արձակվել: Նշենք, որ Մհերը նախկինում դատապարտված է եղել:
