Հայաստան, 29 սեպտեմբերի, 2026 թ. Հայաստանում Yandex Maps-ում հասանելի է դարձել իրական ժամանակում քո գտնվելու վայրով կիսվելու հնարավորությունը։ Գործառույթը կօգնի քաղաքում ավելի արագ գտնել միմյանց և կապի մեջ մնալ մտերիմների հետ։ Օրինակ՝ հնարավոր կլինի հասկանալ, թե որտեղ են գտնվում ընտանիքի անդամները, չկորցնել միմյանց մարդաշատ միջոցառումների ժամանակ, դիմավորել հարազատներին օդանավակայանում, ինչպես նաև կողմնորոշվել անծանոթ տարածքում։

Գործառույթը օգտակար կլինի ինչպես քաղաքում, այնպես էլ ուղևորությունների ժամանակ։ Կարճաժամկետ տեղադրության փոխանցումը հարմար է, եթե անհրաժեշտ է հանդիպել առևտրի կենտրոնի մուտքի մոտ, գտնել ընկերներին Կասկադում կամ չկորցնել միմյանց Հանրապետության հրապարակում։ Ավելի երկար ժամանակով տեղադրության փոխանցումը կարելի է միացնել, օրինակ, քաղաքից դուրս ուղևորության կամ այլ երկիր ճանապարհորդության ժամանակ։

Գեոլոկացիան կարող է օգտակար լինել նաև զբոսաշրջիկների համար։ Ներքին տվյալների համաձայն՝ 2025 թվականի աշնանն օտարերկրյա զբոսաշրջիկները Հայաստանում ավելի քան 2,4 միլիոն անգամ օգտվել են Yandex Maps-ից և Navigator-ից։ Դրանցից առավել հաճախ օգտվել են Ռուսաստանից, Վրաստանից և Ղազախստանից ժամանած ճանապարհորդները․ նրանք փնտրել են տարբեր վայրեր, կառուցել երթուղիներ և երկրի տարածքում ճանապարհորդելիս օգտվել նավիգացիայից։

Նոր քաղաքում գեոլոկացիան կօգնի զբոսանքի ժամանակ չկորցնել ընկերներին, ավելի արագ գտնել միմյանց տեսարժան վայրի մոտ, կայարանում կամ օդանավակայանում։ Սա հարմար է, երբ խումբը բաժանվել է․ օրինակ՝ ինչ-որ մեկը երկար է մնացել սրճարանում կամ խանութում, իսկ հետո բոլորը պետք է կրկին հանդիպեն՝ առանց երկար բացատրելու, թե կոնկրետ որտեղ է գտնվում յուրաքանչյուրը։

Սեփական գեոլոկացիայով կարելի է կիսվել քարտեզի այն հատվածի սքրինշոթից, որտեղ տվյալ պահին գտնվում է օգտատերը։ Կարելի է նաև սեղմել քարտեզի վրա սեփական գտնվելու վայրի նշանին և ուղարկել տեղադրությունն ընկերներին կամ մտերիմներին։ Նրանք իրենց քարտեզի վրա կտեսնեն օգտատիրոջ նշանը և կկարողանան անմիջապես երթուղի կառուցել դեպի նրա գտնվելու վայրը։

Բացի այդ, կարելի է սեղմել պրոֆիլի նշանին, անցնել «Գեոլոկացիա» բաժին և այնտեղից նույնպես ուղարկել սեփական գտնվելու վայրի մասին տեղեկությունը կամ դադարեցնել տեղադրության փոխանցումը։ Փոխանցումն ավարտելուց հետո օգտատիրոջ նշանը կանհետանա այն մարդկանց քարտեզներից, որոնց հետ նա կիսվել էր իր տեղադրությամբ։

Yandex Maps-ը կշարունակի զարգացնել ընտանեկան օգտագործման սցենարները և ավելացնել նոր հնարավորություններ, որոնք կօգնեն մտերիմներին ավելի հեշտ գտնել միմյանց և կապի մեջ մնալ քաղաքում, ուղևորությունների և առօրյա գործերի ժամանակ։

Գործառույթը հասանելի է Հայաստանում Yandex Maps բջջային հավելվածում նույնականացված օգտատերերի համար՝ iOS և Android համակարգերում։