ԱՄՆ նախագահ Դոնալդ Թրամփը սպառնում է միլիարդավոր դոլարների օգնություն հետ կանչել այն երկրներից, որոնք Երուսաղեմի ճանաչումը դատապարտող ՄԱԿ բանաձեւի օգտին կքվեարկեն:
Կառավարության նիստում Թրամփն ասել է. «Թող նրանք քվեարկեն մեր դեմ: Մենք շատ (գումար) կտնտեսենք: Մեզ համար միեւնույն է», - ասել է նա:
Ավելի վաղ ՄԱԿ-ում ԱՄՆ մշտական ներկայացուցիչ Նիկի Հեյլին զգուշացրել էր, որ ԱՄՆ-ն «ուշադրություն կդարձնի» այն երկրներին, որոնք քվեարկելու են ՄԱԿ Գլխավոր ասամբլեայում բանաձեւի օգտին:
Այս հարցի քվեարկությունը նախատեսված է դեկտեմբերի 21-ին: Միացյալ Նահանգները ՄԱԿ Անվտանգության խորհրդում վետո էին դրել համանման բանաձեւին: Սակայն, Գլխավոր ասամբլեայում ոչ մի երկիր վետոյի իրավունք չունի:
