Լոս Անջելեսի հայազգի բնակիչ Արտյոմ Գասպարյանը կանգնելու է դատարանի առջեւ 32 մեղադրանքներով, այդ թվում՝ սպանության մեղադրանքով, հաղորդում է patch.com-ը։
Գասպարյանը մեղադրվում է 37-ամյա տղամարդու սպանության մեջ։ Ադան Կորեան կորցրել էր մեքենայի կառավարումը, երբ Գասպարյանը կրակել էր նրա վրա։ Հանցագործության դրդապատաճռներն անհայտ են, սակայն քննիչները վստահ են, որ Գասպարյանը կանխամտածված է գործել։
Ընդհանուր առմամբ, 34-ամյա Գասպարյանին մեղադրում են մի ամբողջ շարք հանցագործությունների մեջ, որ նա կատարել է Քալիֆորնիայի Պանորամա Սիթի, Լոս Անջելես, Բըրբենք, Արեւմտյան Հոլիվուդ եւ Քարսոն քաղաքներում։ Նրան առաջադրվել է նաեւ սպանության 11 փորձի երկրորդ աստիճանի վեց ավազակային հարձակումների, մեքենաների վրա կրակելու հինգ դեպքերի, մեքենայի երկու առեւանգումների, մեկ վրաերթի, հրազեն պահելու, հարձակման եւ այլ հանցանքների մեջ։
Գասպարյանին դատարան են բերել հաշմանդամի սայլակով, քանի որ երկու տարի առաջ ձերբակալության ժամանակ ոստիկանները կրակել էին նրա վրա։ գասպարյանը հետապնդման ժամանակ դուրս էր եկել հանդիպակաց գիծ եւ բախվել մի մեքենայի, որում գտնվող կինն ու երեք երեխաները վնասվածքներ էին ստացել։
Դատախազությունն առաջիկայում կհայտնի՝ արդյոք Գասպարյանի համար մահապատիժ է ոզում, թե ոչ։ Դատական հաջորդ լսումները կայանալու են փետրվարի 15-ին։
