Փետրվարի 24-ին ուժի մեջ է մտել «Դոնեցկի ու Լուգանսկի մարզերում գրավյալ տարածքների հանդեպ Ուկրաինայի պետական ինքնիշխանության ապահովման քաղաքականության առանձնահատկությունների մասին» օրենքը, հայտնում է «Ուկրինֆորմը»։
Գերագույն ռադայի պաշտոնաթերթը հրապարակել է Դոնբասի վերաինտեգրման մասին օրենքը 2018-ի փետրվարի 23-ին։ Օրենքը ուժի մեջ է մտնում հրապարակման հաջորդ օրվանից։
Փաստաթղթում նշված է ՈՒկրաինայի մի մասի՝ մասնավորապես Ղրիմի ու Սեւաստոպոլի օկուպացիայի մեկնարկի ամսաթիվը՝ 2014 թ․ փետրվարի 20։
Օրենքով սահմանվում են պետական քաղաքականության առանձնահատկությունները՝ Դոնբասի օկուպացված տարածքներում Ուկրաինայի պետական ինքնիշխանության ապահովման համար։
Նախատեսվում է, որ Դոնեցկի ու Լուգանսկի տարածքներում գտնվող շրջանների, քաղաքների, ավաննների ու գյուղերի սահմանները պետք է որոշի նախագահը՝ ՊՆ հետ համատեղ։
Ըստ օրենքի՝ ՌԴ ագրեսիայի հետեւանքով ՈՒկրաինային հասցված նյութական կամ բարոյական վնասի համար պատասխանատու է համարվում Ռուսաստանը՝ միջազգային իրավունքի նորմերի ու համաշխարհային սկզբունքների համաձայն։
Բացի դրանից, պատգամավորները սահմանում են, որ այն անձիք, որոնք մասնակցել են ՌԴ ագրեսիային կամ էլ մասնակցում են ՌԴ օկուպացիոն աշխատակազմին, քրեական պատասխանատվություն են կրում Ուկրաինայի օրենսդրությունը ու միջազգային հումանիտար իրավունքի նորմերը խախտելու համար։
Դոնբասի վերաինտեգրման մասին օրենքը Ուկրաինայի արեւելքում ուժային լուծում է ենթադրում.Լավրով