Սլովակիայում սպանվել է գերմանաշվեյցարական Ringier Axel Springer հրատարակչատան «դուստր» խմբագրության աշխատակից Յան Կուցիյակը: Կուցիյակը եւ իր ընկերուհին ամենայն հավանականությամբ դաժան հարձակման զոհ են դարձել», հաղորդում է DW- ն՝ վկայակոչելով Axel Springer հրատարակչությունը: Թեեւ հանցագործության հանգամանքները դեռեւս լիովին պարզված չեն, «կասկած կա, որ այն կապված է հետաքննության հետ, որով մեր գործընկերը զբաղվում էր», - նշել են հրատարակչությունում` խոստանալով անել ամեն հնարավոր բան հետաքննությանն աջակցելու համար:
Կուցիայկը զբաղվում էր հետաքննչական լրագրությամբ եւ 2015 թվականից աշխատում էր Actuality.sk լրատվական պորտալում, որը պատկանում է Ringier Axel Springer-ի սլովակյան մասնաճյուղին: Փետրվարի 9-ին հրապարակված իր վերջին հոդվածում լրագրողը գրել էր շքեղ բնակարանների համալիրի հետ կապված հարկային խարդախությունների վերաբերյալ կասկածների մասին: Denník N լրատվական պորտալի համաձայն՝ 27-ամյա լրագրողը գնդակահարվել է անցյաալ շաբաթվա վերջում Բրատիսլավայից 65 կմ դեպի արեւելք գտնվող իր տանը:
