Ստոկհոլմի արբիտրաժը տարանցման համար «Գազպրոմի» չմատակարարած գազի ծավալների համար փոխհատուցման մասին «Նաֆտոգազի» պահանջները բավարարել է, հաղորդում է «Սեգոդնյա» պորտալը` հղում անելով «Նաֆտոգազի» մամուլի ծառայությանը:
Այսպիսով, դատարանի որոշման համաձայն՝ «Նաֆտոգազը» 4.63 միլիարդ դոլարի փոխհատուցում կստանա «Գազպրոմի» հետ համաձայնեցված գազի ծավալները չմատակարարելու համար: «Ստոկհոլմում երկու արբիտրաժի արդյունքների համաձայն՝ «Գազպրոմը» 2.56 միլիարդ դոլար կվճարի «Նաֆտոգազի» օգտին», - նշել են Ուկրաինայի ընկերությունում:
«Նաֆտոգազ»-ում հավաստիացնում են, որ «յուրաքանչյուր ուկրաինական ընտանիքի համար 5 հազար գրիվեն են հաղթել»:
Սա Ուկրաինայի պահանջած գումարի միայն մի մասն է, «Նաֆտոգազը» Գազպրոմի նկատմամբ իր պահանջները գնահատել է 18 միլիարդ դոլար՝ հաշվի առնելով 2009-2016 թվականներին տարանցման ծառայությունների համար ամբողջությամբ չվճարած գումարը: Գազպրոմը 7 միլիոն դոլարի պատասխան հայցադիմում էր ներկայացրել: