Ճապոնիան բողոք է հայտնել Հյուսիսային եւ Հարավային Կորեաների ապրիլի 27-ին կայանալիք գագաթաժողովի աղանդերի ընտրության դեմ, հայտնում է BBC-ն։
Ճապոնիայի արտաքին գործերի նախարարությունը վճռական բողոք է հայտնել գագաթաժողովին մանգոյի մուս հյուրասիրելու ծրագրերի դեմ, որի վրա դրված է լինելու Կորեական թերակղզու քարտեզը վիճելի կղզիներով (Լիանկուր կղզիները)։
Այդ կղզիները, որոնք կորեերեն կոչվում են Տոկտո, իսկ ճապոներեն՝ Տակեսիմա, գտնվում են Սեուլի վերահսկողության ներքո, սակայն Ճապոնիան դրանք համարում է իր տարածքները։
Փայտյա աթոռների վրա նույնպես այդ քարտեզն է փորագրված։