Թուրքիայի հարավ-արեւելյան Շրնաք նահանգում պիկնիկի դուրս եկած դպրոցականների խումբը կայծակի հարվածի տակ է ընկել։

Թուրքական  Demokrathaber կայքի փոխանցմամբ՝ Շրնաք նահանգի Սիլոփիի շրջանում աշակերտները դաշտում պիկնիկ անելու ժամանակ հայտնվել են կայծակի հարվածների տակ։ Կայծակի հարվածից 12  աշակերտ է տուժել։ Դեպքի վայր կանչված շտապօգնության մեքենաները վնասվածքներ ստացած աշակերտներին տեղափոխել են հիվանդանոց։