Ստամբուլի Քադըքյոյ թաղամասում գտնվող հայկական Սուրբ Փագավոր եկեղեցու պատին ռասիստական գրառում կատարելու եւ եկեղեցու մուտքի մոտ աղբ լցնելու մեջ մեղադրվող Սերդար Քաբանի դեմ հետաքննությունն ավարտվել է։
Թուրքական Sozcu պարբերականի փոխանցմամբ՝ թուրքական դատախազությունը Սերդար Քաբանի համար դատարանից պահանջում է 1 տարի 4 ամիս ազատազրկման դատապարտել՝ հոգեւոր կառույցը վնասելու մեղադրանքով։
Միեւնույն ժամանակ նշվում է, որ Սերդար Քաբանը ձերբակալվելուց հետո երբ տեղափոխվել է հոգեբուժարան զննման, նրա մոտ հոգեկան խանգարում է հայտնաբերվել։ Հոգեբույժները գրություն են ուղարկել դատախազություն, որ հանցանքը կատարելու ժամանակ նա հոգեպես անհավասակշիռ վիճակումէ եղել։
Նշենք, որ Սուրբ Թագավոր եկեղեցու դեմ ռասիստական հարձակման հետ կապված հայտարարություն էր տարածել նաեւ Թուրքիայի ՆԳ նախարարը։
«Սուրբ Թագավոր եկեղեցու դեմ հարձակումն անընդունելի է։ Մենք ամեն ինչ անելու ենք հայտնաբերելու եւ պատժելու հարձակումն իրականացնողներին»,-ասել է Թուրքիայի ՆԳ նախարարը։
Այս հայտարարությունից հետո նրան ձերբակալել էին, սակայն հոգեբուժարան տեղափոխվելուց հետո ազատ արձակել։