News
Լրահոս
News
Երեքշաբթի
Մարտ 19
Տեսնել լրահոսը

Հիշելով Առաջին համաշխարհային պատերազմի ժամանակ Ավստրալիայի և Նոր Զելանդիայի բանակների (ԱՆԶԱԿ) զոհերին՝ Ավստրալիան պետք է նաեւ անդրադառնա Հայոց ցեղասպանությանը: Այս մասին Guardian Australia-ում գրում է ավստրալիացի լրագրող Փոլ Դալեյը:

Նա նշում է՝ ավարտվեցին «ԱՆԶԱԿ»-ին նվիրված հիշատակի միջոցառումները, սակայն կրկին անդրադարձ չեղավ, թե ինչպես են ավստրալիացի զինվորներն ականատես եղել նախկին Օսմանյան կայսրությունում մոտ 1,5մլն հայերի ոչնչացմանը եւ ինչպես են 1918-ին սիրիա-պաղեստինյան ճակատում մարդասիրական օգնություն ցուցաբերել ցեղասպանությունից փրկված հայերին:

Լրագրողի խոսքով` վերջին տարիներին Ավստրալիայի հայ դատի հանձնախումբը եւ այլ համայնքային ղեկավարներ ու ռազական պատմաբաններ բազմաթիվ դիմում-խնդրանքներ են ուղղել, որպեսզի պատերազմի հուշարձանի` 1-ին համաշխարհայինին նվիրված հավաքածուների շարքում ցուցադրվի նաեւ Հայոց ցեղասպանության ավստրալացի ականատեսներից պահպանված փաստերը:

Նշվում է, որ այս տարվա սկզբին, երբ հայտնի դարձավ հուշահամլիրն ընդլայնելու որոշումը, ավստրալահայ պատմաբան Վիգեն Բաբկենյանը գրել է նախաձեռնության հեղինակներին, որ «ԱՆԶԱԿ»-ի սխրանքը ոչ միայն ռազմական է, այլեւ մարդասիրական, և հորդորել է Հայոց ցեղասպանության վկայություններն ընդգրկել հուշահամալիրի պատկերաշարում:

Հուշահամալիրի տնօրեն Բրենդան Նելսոնը Բաբկենյանին պատասխանել է, որ անհրաժեշտ միջոցների առկայության դեպքում հուշահամլիրն անպայման կընդլայնվի, եւ այնտեղ կընդգրկվեն «ԱՆԶԱԿ»-ի խաղաղապահ եւ մարդասիրական գործողությունները վկայող փաստեր:

Սակայն, Դալեյի խոսքով, առայժմ հայտնի չէ, թե արդյոք նրանք կանդրադառնան ցեղասպանությանը: Հինգ տարի առաջ ռազմական պատմաբան Թիթեր Ստենլին Նելսոնին գրել է, որ Հայոց ցեղասպանությունը Առաջին համաշխարհայինին նվիրված պատկերաշարում չընդգրկելը կնշանակի, որ հուշահամալիրը ոչ թե անկախ, չեզոք պատմական հաստատություն է, այլ կողմնակալ, թուրքական եւ հայկական համայնքների միջև լարվածությունը սրող կողմ:

Դալեյն ասում է, որ նույն կերպ հուշահամալիրում հիշատակված չեն այն բոլոր բնիկ ժողովուրդները, որոնց զոհերի թիվը շատ ավելին է, քան Առաջին համաշխարհայինում 60,000 ավստրալացիների կորուստը:

Տպել
Կարդացեք նաև
Ամբողջը
Թուրքական դատարանը «Հայոց ցեղասպանություն» արտահայատությունը խոսքի ազատության մեջ է դիտարկել
Դիարբեքիրի փաստաբանների պալատի նախկին նախագահի եւ անդամների կողմից կազմակերպված Հայոց ցեղասպանության տարելիցի նվիրված հիշատակի միջոցառմանը...
Կիպրոսի ԱԳ նախարարը հարգանքի տուրք է մատուցել Հայոց ցեղասպանության զոհերի հիշատակին
Այնուհետև նախարարն այցելել է Հայոց ցեղասպանության թանգարան-ինստիտուտ...
Եթե Թուրքիան դեռ չի բացել արխիվները, ապա ինչպե՞ս են դրանք հասանելի դարձել հայտարարություն անողին. Գևորգ Դանիելյան
Քարոզչամեքենան իբր այնքան մեծ հաջողություններ է գրանցել, որ որոշել են, թե իբր…
Թուրքիան պետք է հայերից ներողություն խնդրեր 1915–ի համար. Թուրքիայի նախկին փոխվարչապետ
Իմ պաշտոնավարման օրոք Թուրքիան առաջին երկրներից է, որ ճանաչեց Հայաստանի անկախությունը...
Նիկոլաոս Դենդիասը հարգանքի տուրք է մատուցել Հայոց ցեղասպանության զոհերի հիշատակին
Մարտի 4-ին Հունաստանի ազգային պաշտպանության նախարար Նիկոլաոս...
Բրիտանացի խորհրդարանականներն այցելել են Ծիծեռնակաբերդի հուշահամալիր
Հյուրերը ծաղկեպսակ են դրել ու ծաղիկներ խոնարհել Հայոց ցեղասպանության…
Ամենաշատ