Այսօր՝ դեկտեմբերի 4-ին, ժամը 10.20-ի սահմաններում, կորել է կապը ամենօրյա մարտական պատրաստության պլանով ուսումնամարզական թռիչք իրականացնող ՀՀ զինված ուժերի ՍՈՒ-25 մարտական ինքնաթիռի հետ:
Հայաստանի ՊՆ-ից NEWS.am-ին հայտնում են, որ ինքնաթիռը թռիչքային երթուղի էր դուրս եկել ժամը 10.06-ին` Գյումրիի օդանավակայանից:
Ընթանում են գրոհիչ ինքնաթիռի որոնողափրկարարական աշխատանքներ:
Պաշտպանության նախարարի մամուլի քարտուղար Արծրուն Հովհաննիսյանը ԳԱԼԱ-ի հետ զրույցում նշել է, որ ինքնաթիռում երկու զինծառայող է: