News
Լրահոս
News
Երկուշաբթի
Օգոստոս 19
USD
475.92
EUR
527.46
RUB
7.22
ME-USD
0.15
Տեսնել լրահոսը

Հանրային հեռուստաընկերության լուրերի թողարկման նախկին լրագրողներ Լիանա Կարապետյանի եւ Սիրանույշ Մուրադյանի՝ ընդդեմ Հանրային հեռուստառադիոխորհրդի հայցը վարույթ ընդունելուց հետո Վարչական դատարանը միջանկյալ որոշում է կայացրել, ըստ որի՝ պետք է կասեցվի վիճարկվող վարչական ակտի կատարումը (լրագրողների հաստիքների կրճատումը, եւ այդ հիմքով՝ աշխատանքային պայմանագրերի լուծումը) մինչեւ դատական վճռի կայացումը։ Այս մասին NEWS.am-ի հետ զրույցում ասաց Լիանա Կարապետյանը՝ հայտնելով, որ այդ միջանկյալ որոշումը չի կատարվել։

«Կրճատման ծանուցումից մինչև այսօր, գրեթե բոլոր քայլերով հետևողականորեն շրջանցվում է օրենքը, և այս մոտեցումը ևս կամայականություն է։ Եթե կրճատման որոշումը բողոքարկվել է, և հայցն ընդունվել է դատական վարույթ, պարտավոր էին կասեցնել կրճատման որոշումը, մինչև դատարանի որոշման օրինական ուժի մեջ մտնելը։ Այնինչ իմ ցանկությունները չեն, որոնք անտեսվել են․ իրար կողքի եմ դնում օրենքի պահանջն ու օրենքը շրջանցող, օրենքի պահանջի վրա աչք փակող քայլերը»,- ընդգծեց նա՝ նշելով, որ հաստիքի կրճատումը եղել է առանց հիմնավորման, կամայական։

«Համառ պնդումներիցս հետո միայն որոշումը «հիմնավորվեց», թե «հին աշխատողներին կրճատում եմ»։ Ծանուցման հաջորդ օրվանից մեկուսացրին աշխատանքից, նյուզրումից՝  ասելով, թե «ձայնդ, անունդդ եթերում էլ չի կարող լինել»։ Այսինքն՝ այդ ամբողջ ընթացքում պիտի աշխատեինք, բայց մեր ձայնն ու անունը «Լուրերի» եթերում պիտի չլիներ։ Այն, որ այս ամբողջ ընթացքում շրջանցել են մարդկային, բարոյական, պրոֆեսիոնալ նորմերը, մի կողմ, բայց Հ1-ը փաստորեն նաեւ անտեսում է դատարանի պահանջը՝ օրենքին վերաբերվելով այնպես, ինչպես կրճատվող լրագրողներին»,- ասաց նա։

Լիանա Կարապետյանը նաեւ հայտնեց, որ հետեւողական պաշտպանելու են իրենց խախտված իրավունքները․ «Մի բան հստակ է՝ ես նահանջի ոչ մի քայլ չունեմ անելու։ Օլիմպիական սառնությամբ եմ հետևում այս ամենին ու տառացիորեն վայելում ազատ ժամանակս»,- եզրափակեց նա։

Խնդրի առնչությամբ NEWS.am-ը զրուցեց նաեւ լրագրողների փաստաբանի՝ Տիգրան Ղազարյանի հետ։ Փաստաբանը պարզաբանեց, թե այս իրավիճակում ինչ էր պարտավոր անել Հանրային հեռուստառադիոխորհուրդը․ «Պետական մարմինը պետք է իրավական շրջահայցություն ունենար եւ կատարեր դատարանի պահանջը։ Ադեկտվատ արձագանքը կարող էր լինել պայմանագրերի վերականգնումը, քանի որ մինչեւ վեճի քննության ավարտը պետք է վերականգվեր նախկին դրությունը»,- նշեց նա։

Տպել
Կարդացեք նաև
Ամբողջը
Ուժեղ լրատվամիջոցների կոալիցիա, հատուկ ձեզ համար․ Փաշինյանի «ռեպորտաժը»
Վերջում, որպես դեսերտ 200 տարվա կոնյակ, 60 տարվա փախլավայի հետ: Ու այս ամենը պետբյուջեի հաշվին․․․
Թրամփը «ֆեյք ԶԼՄ-ներին» մեղադրել է ԱՄՆ-ի տնտեսությունը քայքայելու փորձի մեջ
Նախօրեին ամերիկյան բորսաների ինդեքսները կտրուկ նվազել էին ԱՄՆ-ի եւ Գերմանիայի տնտեսության հետագա աճի, ինչպես նաեւ ԱՄՆ-ի եւ...
Հանրային հեռուստաընկերությունը ՍԴ-ի գործունեությունը լուսաբանում է ուղղորդված. «Մեդիա պաշտպան»
Մինչդեռ Հայաստանի Հանրապետության Սահմանադրության 42-րդ հոդվածի 2-րդ մասի համաձայն՝ պետությունը երաշխավորում է տեղեկատվական...
Մասնակի փոփոխությունները չեն կարող դրական անդրադառնալ մամուլի ազատության արդյունավետության վրա․ ԶԼՄ-ներ
Միևնույն ժամանակ, չենք հերքում փաստն առ այն, որ ոլորտը կարգավորող օրենսդրությունն ունի ծավալուն և հիմնավոր բարեփոխումների անհրաժեշտություն․․․
ԱՄՆ-ում հարյուրավոր պարբերականներ կհայտնվեն մեկ հոլդինգի կառավարման ներքո
Նոր ընկերության վերահսկողության տակ կհայտնվի «օրաթերթերի ավելի քան մեկ վեցերորդը»…
Պուտինի հետ հարցազրույցի համար Fox News-ի հաղորդավարն առաջադրվել է Emmy մրցանակաբաշխությանը
Fox News-ի կայքում հաղորդվում է, որ դա ալիքի առաջին առաջադրում է Emmy մրցանակաբաշխությանը փաստագրական եւ լրատվական հաղորդումների համար․․․