G7 երկրները եւ Միավորված ազգերի կազմակերպությունը դատապարտել են Լիբիայում տեղի ունեցած ռազմական գործողությունները, հաղորդում է BBC News-ը:
Մասնավորապես, G7-ը եւ ՄԱԿ-ը կոչ են արել «անմիջապես դադարեցնել ամբողջ ռազմական գործունեությունը»:
Ավելի վաղ հայտնի էր դարձել, որ Լիբիայի ազգային բանակի հրամանատար, Խալիֆա Հաֆթարը հարձակում է սկսել Տրիպոլիի ուղղությամբ:
Դրանից հետո տեղեկություն հայտնվեց, որ Հաֆթարի բանակը վերահսկողության տակ է վերցրել Տրիպոլիի օդանավակայանը:
2011 թվականին քաղաքացիական պատերազմից եւ երկրի առաջնորդ Մուամար Քադաֆիի սպանությունից հետո Լիբիայում պահպանվում է երկիշխանությունը: Երկրի արեւելքում գտնվում է խորհրդարանը եւ բանակը՝ ֆելդմարշալ Հաֆթարի գլխավորությամբ: Արեւմուտքում՝ Տրիպոլիում, տեղկայված է ազգային համաձայնության կառավարությունը, որը ձեւավորվել է ՄԱԿ աջակցությամբ եւ ճանաչվել է միջազգային հանրության կողմից:
